اهداء الى الضيف

[randas]

ياناس راسي في هوى الضيف خرمان
احس بصداعٍ تعدى حدوده

ليت ان لي وصلٍ معه وارسل الحــــان
الحان ماهي مدح ولا نقوده

الحان عذرٍ ترسل الغــــيـــث هــــتان
غيث الرضى والطيب لاعلى بنوده

يالضيف حبي للغزل فاق الامـــتــان
ما قد تطرقت لعدى أو سنوده

ياناااااس من يقرى كلامي بإتقـــــان
يوصل ابياتي لضيف الشدوده

أحب في شعره غروره بإحســـــآآن
كأنه فرس ما تلتفت عن جنوده

خيلٍ أصيل وما عرفنى له اخوان
أو ذيب ماله خوةٍ في قعوده

أو طير يعلف له حباري وكروان
ويكوبر بجنحة ويشتد عوده

وياناس من يقرى كلامي وفهمان
يوصل ابياتي لضيف السدوده

[كولا]

صح لسانك وكلك يالغلا
والله فكره جميله اضافة كلمة خرمان
وعساك ع القوه ونستنى جديدك

[randas]

في صفحتي عطرٍ مسمى بكولا

دايم مروره يكسب الناس عزه

تسلم ويبقى ردكم خير قولا


العدل فيكم وارثه دون أهزه

[كولا]

يسلم ربي غاليك والي حواليك
كلفت ع روووحك بالابيات عني
والله اجبرني شعرك ارد عليك من جماله
وجمال راعيه

والله اني من قريت شعرك
رديت غصب عني

رغم ضفي بالشعر الا اني

اقول لك ماشفت شاعر مثلك بهالفني

[الحائر]

صح لسانك,, يستاهل الضيف

[randas]

ياناس ذا مجلس لكل الكرايم

لان بوجود العز يعلى كرمها

ويالحايرابخورك من العود دايم

يجلب صحاح القوم واغلى حشمها

[عادل آل عبدهـ]

أنفلت عليكم سماسم . خلوه يعطيكم من دواوينه إلي نظمها في البيت والي مدحه سامي يستاهل وصح لسان شاعر المنتدى (خليك من المدح وعطنا من الغزل شوي ) طلبه

[randas]

أنفلت عليكم سماسم . خلوه يعطيكم من دواوينه إلي نظمها في البيت والي مدحه سامي يستاهل وصح لسان شاعر المنتدى (خليك من المدح وعطنا من الغزل شوي ) طلبه


ارجوا الا يستمع احد الى هذا الرجل الجاحف
واذا كان هناك شاعر للمنتدى فهم كلهم بمقام رجل واحد
ويا عادل الله يخليلك لين وخررر عني تكفى
وانا اللي طالبك تقرا بس والله احسن هههههههه

[الضيف]

ياصاحبي فيكم مكاسب وخسران

نفسك تحب الخير مدري حسوده

من أول ٍ تفتح من الشر بيبان

والحين لك يمي مشاعر ودوده

لو هو بكيفي شتكم لم درمان

رحلة ذهاب بدون رجعه وعوده

مابي عليكم شر لاكن طفشان

ودي أتــريـــح مـــن قليلك وزوده

عليك ماشالله. تقل جيب نيسان

أسبوع يمشي ماوقف من وقود

أبوليان لنظمــنا صـــار زعلان

وأنا ترى مـديون طــيــبه وجــوده

ومن الهوى لاصرت ضامي وعطشان

لحمـــر شفاي لامــعــات ٍ خـــدوده

أشرب ترى سوق الرعابيب مليان

والحــب ميــــز قبــل تلقـى جحـوده

دور حبيب ٍ يسكــنك بيــن لجـفان

خل الــذي لاطــحــت بيّــن صــدوده

بعض الولايف صورته صــورة انسان

من دون تقـطف تــنتـــثـر لــك وروده

ولامن حـــداك الوقــت بهموم واحزان

عنّـــك تخلى وأختــلـف في وعـوده

هذاك بعـّـــد عــنه يــرفــع لك الشـان

دور علــي الي جــنــتك في وجـــــوده

مشــاعره نفحــة زهــــر كــل بســتان

مـع كــل طـــارف هــــب ميال عـــوده

أهيف حشا نحيــل جـــنـــب ٍ وذرعـان

تــبــرز ردوفــه بالثـــيــاب ونـهـــوده

لامن تبسم ر وّ حك في خـبر كـــــان

بيض الثنايا برق يــســـبق رعـــــوده

هاذك والله لاقــسى الوقـت وان لان

ســــود الليالي ماتبــيـــح ســـدوده

والحب له لوعـــه وحـــرقه وحـــرمان

مالك ومــــاله خـــل غـــيــــرك ينوده

هذا جـواب الي بـــغـــبـــته غـــرقان

ذاق الحــلا والــمـر مـــن دون فــوده

أنتـه سألــت ولا تـــثــاقــلـت الـوزان

وأنا جوابي كاش مــقــبل قــصــــوده

أما وقفت وعـذت مـن كــل شيـــطان

والا أترى مـــاكـل مــشّـــرب تــــروده

والله يسامي لصقــلك صقل شومان

حتى سلوم الشعر ترقــى صـعـــوده

ولا.. تـــوقـــــع لي و تعـــلن بها اعــلان

أنك تـــتـــوب مـــن الشــعـــر ماتــعـوده

سلام يلي في قـرى البـــــرك ســـكــان

سامي لكــــم شـــاعــر وقــويت زنـــوده

يابوليان الشعـــــــر فــي كـــل مـــيـــدان

حـــــــاربة شعــــــاره وراضــــت فــهـــوده

أثقل عليهم من طــــحاطـيــــح جحـفـــان

مــــدام مــركــــــب كـــل بــحــــر ٍ تــقــوده

أنا أحـــاول يلتــــطـــم مـــــــــــوج لــركـــان

وانـــته تـــحـــاول فــــي هــــداوت ركــــــوده

اذا تعلم صـــار فــــي الشعــــــــــر بــطــران

واذا منـــعـــــــت الحـــرب تضعـــف جهــــوده

سامي كــــويـــت عروق خبـــثــــه بنــيـــران

أخيـر مــن مدحــــي قـــــوافــــي بــــــــــروده

مـمــكــــن أصـــيـــب وممكن أكــــون غلـطان

لاكن هـــــــو شــــاعــــر وضـــــح مـــن ردوه

شــــــاعــر هــــوى ماعـنـــده اجنـــــون واقــران

دون البحــــر شفــــنا مــعـــســــــكر جـــنــــوده

الله يعيـــن الــــي مــــن الهـــم سهــــــــــــران

ويتم فـــرح الي غـــفـى مـــــن سعـــــــــــــوده

يابوليان أحــــب طــــاريك مـــــــــن شـــــــــــان

ترضى ولو مـــــالي برضـــــوتــــــــــك فـــــــــــوده

انا اعــــــــرف ان الشعــــــــر لابــــد ينـــصـــــــــــــــان

لاكـــــــن لا صــــــــــنـاه باقــــو عــهــــــــــــــوده

أحذر تصــــــدق فــــي الخــوي قـــولــة افـــــلان

ومن جـــــــابلــــك شكــــوى يعــــدل شهـــوده

ماهي بحـــرب الـروس في اقليــــم شــيشـــان

كــل ٍ يـــفـــتــــــل لــــي منــــــاكــــب عــضــــوده

صرتو على من ينـــطـــــــق الحـــق عــــــــــدوان

كـــــل ٍ يــــحــاربني ويــــجــــمـــع حــشـــــــــوده

بالبرك أنا بـــبـــنـي ســــــــــدود ٍ وجـــــــــــدران

والكـــــل مــــنا يلـــتــــزم فـــي حـــــــــــــــــــدوده

[عادل آل عبدهـ]

سماسم فديت روحك لين أزعجتني وجالسه مقابله الشاشه ومناقرتني ومقطعه روحها بكى وحالفه ماتقوم حتى عمها سماسم يكتب فيها شعر ولازم يذكر بابا معايه

[randas]

الله ياردك يبرّد للاحضان

وانا اشهد انك شاعرٍ شد عوده

ضحكتني وامليت قلبي بالاحزان

واشعلت فيني نار همٍ خموده

ومدات عمرٍ بين همٍ وحرمان

لا تشكي فانا ذا البكى لي طروده

ووصفك مع غاليك كنك علم بان

تعلم بما في خافقي من صدوده

واما على شوتتك لي لم درمان

فانا حلالك بس حوده بحوده

اما انا ودي اوديك لبنان

يرتاح به خافيك من ذا الرعوده

وعشان تبرد كويت العرق يفلان

ياربي استر من خوافي جنوده

احب فيك الشعر ورفعك لقيفان

كنه شجر رمان باعلى شدوده

ووضحت في كم بيت ما اشتم انسان

حتى يبدي نقض اول عهوده

واما بنودي اني اوجبك لو كان

وتكون راعي البيت وهذي بنوده

واعاملك معامل اخوان لخوان

والله ما في قلبي ذره حسوده

وياناس انا بعلن مع الضيف لي شان

حبيت انا اقواله وحامي حشوده

والا السدود اللي بناها وجدران

تكون حد لي ( وحدودي حدوده )

[عادل الهلالي]

[size="5"][صح لسانو الضيف ويعطيك الف عافيه /size]

[طويل السبالي]

تحية مني انا طويل السبالي
اقدمها لرنداس بن قضعان :dاصل الرجوله
وانت يالضيف ابد منت بخالي
فيك الصراحه احترت وش بقوله
ابا اقول لله درك يا عريق السلالي
تفبرك الكلمه مثل بنت خجوله
وانا الكسبان على كل حالي
بمعرفتكم يارموز الفحوله.
محبكم /طويل السبالي

[عادل الهلالي]

يستاهل الضيف ورنداس وانت كفو على البيتين هذي ويعطيك الف عافيه ياريت تكتب فيني بيتين كذه حلوه زيك خخخخخخخخخخخخ