إهداء لأحلى بنت

[randas]

ياظحكةٍ في خفايا الروح نعسانه

ما تنشط الا يوم تقبل عليّه

مزيونةٍ من حلاها حييييييل رويانه

الله يحفظ لي العيون النديّه

أحب اشوف البراءه كيف مليانه

في عيونها تبري الخاطر من الكيّه

تشبه لأبوها وما أخذت من أخوانه (لها خير)

عيونه عيونها وخدود ناريـــّه

أحب فيها مرحها اللي على شانه

ألف ذا العالم وأرصّه بهديّـــه

ربي يحفظك من الحسّاد سبحانه

وتفوت عنك كل عينٍ رديّــــه

(يالين ) عمك حبه اليوم بانه

على الملى لكنّ لـــه امنيّه

اللي يشوفك يبعّد عنه شيطانه

ويقول ما شاء الله حولك وش هالبنيّه

[عادل آل عبدهـ]

يسلموووووووو ياعموو والله انت ترفع الراس وعندي تسوى حامد زيد ياااااا اطيب قلب ربي يخليك لي

[كولا]

يااااااااااااربي يااااااعيني اسم الله عليها

الله يحميها من العين ويخليها لغاليها
قبل انسى صح لسانك ياعسل

[randas]

ويخليك لمن يغليك دايم تحرجني بردودك
وهذا المعروف عنك ( راعي الاوله )
تسلم يكولا

[كولا]

ويسلم غاليك والله يارنداس انك شاعر حرام اشعارك هنا

ياليتني صحفي مو مشرف

ولاتنحرج من الحقيقه تستاهل الطيب

[الحائر]

تشبه لأبوها وما أخذت من أخوانه (( حلوة لها خير))

الله يحرسها من العين ماشاء الله تبارك الله
عدول شكلنا بنحجزها ...

[الرايق]

صح لسانك قصيدة جميلة ,,والله يحفظها من كل شر ,,

[randas]

صحت ابدانكم جميع ويحفظلكم من تحبون
رفع راسي مروركم تسلملي اياديكم وذوقكم

[عادل آل عبدهـ]

الحاير حبيبي ترى مهرها غالي لأنها كل دنيتي

[ابو ليان]

[QUOTE=randas;32622]ياظحكةٍ في خفايا الروح نعسانه



ما تنشط الا يوم تقبل عليّه

مزيونةٍ من حلاها حييييييل رويانه

الله يحفظ لي العيون النديّه

أحب اشوف البراءه كيف مليانه

في عيونها تبري الخاطر من الكيّه

تشبه لأبوها وما أخذت من أخوانه (لها خير)

عيونه عيونها وخدود ناريـــّه

أحب فيها مرحها اللي على شانه

ألف ذا العالم وأرصّه بهديّـــه

ربي يحفظك من الحسّاد سبحانه

وتفوت عنك كل عينٍ رديّــــه

(يالين ) عمك حبه اليوم بانه

على الملى لكنّ لـــه امنيّه

اللي يشوفك يبعّد عنه شيطانه


ويقول ما شاء الله حولك وش هالبنيّه





الطير غنا للفـرح عـذب الألحـان
ونور السعادة بان فـي كـل ديـره
و تمايلت لافراحنا خضر الأغصـان
والورد طاب و فاح زاكـي عبيـره
مبروك والفرحة ملت كـل الأوطـان
واسما التهاني في خطوبـة ليونه < يدلعها عشان يخطبها لولده ;)
اروع انسانه ترتبط بـاروع انسـان
بنت الرجال اهل الفعـول الشهيـرة
ال عبدهـ ونعـم ذربيـن الأيمـان
عاداتهـم قطـع الـدروب العسيـرة
فيها تواصيف الحلا اشكال و الـوان
و لزينها تبصر عيون(ن) ضريـرة
مثل البدر في ليلة النصـف لا بـان
كم واحد (ن) من زينها مات غيـرة
الخد ورده و الجسـم عـود ريـان
و الزول ريم (ن) بالفـلا مستذيـرة
والعين فيها سحر نظـرات نعسـان
لا سلهمت تجبر عظام (ن) كسيـرة
جت من نصيب اللي له الطيب عنوان
والنعم لا جا له مـع النـاس سيـرة
رمز الفخر لا حل ذكره على لسـان
نسل الرجال اهل السيوف الشطيـرة
هادي اللـي مـن سلايـل كحيـلان
سباع في وجـه الجمـوع الغفيـرة
واختامهـا دعواتنـا لعالـي الشـان
رب (ن) كريم (ن) كلنـا نستخيـره
الله يوفقكـم علـى مـر الأزمــان
حب و غلا و اشواق ما فيه غيـره



وهذهـ دعوووه صريحه مني لخطوبة لين لولدي هادي ورد ع القصيده

ربي يحفظها لك


تقبل مروري


مودتي

[randas]

شكلوا بيذبحك الحاير يابو ليان
تشرفنا بقدومك والله والنعم في هادي وابو هادي
وانا من عندي أقلكم البنت محجوزه
لا تتعبو ارواحكم ههههههه