المساعد الشخصي الرقمي

مشاهدة النسخة كاملة : يانايف

الملمعي
13-05-2010, 04:04 AM
نايف ترى الناس ماتدري
وش يعني الحب واشواقه
نايف ترى ضيقت صدري
ناس على الشر سباقه
يانايف احب من صغري
والحب بكشف لك اوراقه
من عام عشرين بالهجري
وانا اشفق لشوفه شفاقه
ضحيت من شانه بعمري
سقت القدم لجله سواقه
بس انتهى حبنا بدري
قبل أغرق بغبة أعماقه
جا افراقنا للأسف جبري
حدوني اهله على فراقه
من فراقه اصيح واهذري
ونفسي لهوى الزين مشتاقه
والزين ماهو على خبري
وشلون وش غير اخلاقه
خلاص كافي نفذ صبري
والصبر ماعاد له طاقه
طال الصبر والعمر يجري
والزين يمشي على رواقه
والظاهر انه نوى هجري
واللا لقا ناس ذواقه
مدري قسى او نسى مدري
مدري عشق غيري عشاقه
ماكان يقدر ابد يسري
اللا بساقي على ساقه
وما يرقد إللا على صدري
وجسمي تعود على عناقه
ياليت يرجع يفك اسري
ويفتح لي الباب والطاقه

الشاعر / محمد ابراهيم الملمعي
كولا
14-05-2010, 05:01 AM
وانا اشفق لشوفه شفاقه
ضحيت من شانه بعمري
سقت القدم لجله سواقه
بس انتهى حبنا بدري
قبل أغرق بغبة أعماقه
جا افراقنا للأسف جبري

صح لسان قااااااااااااااااايلها لاعدمنا امثالك
الحائر
14-05-2010, 08:26 AM
نايف ترى الناس ماتدري
وش يعني الحب واشواقه
نايف ترى ضيقت صدري
ناس على الشر سباقه


صح لسانك يالشاعر الملمعي.
السعدي
14-05-2010, 02:48 PM
ونعم نعم بالشاعر الملمعي وتسلم على ماقلت
وتحيا ودوم سالم
الملمعي
14-05-2010, 04:33 PM
اشكركم جميعا
كوكا الحائر السعدي ويعطيكم العافيه
وجمعه مباركه على الجميع
الذيب
15-05-2010, 03:16 AM
خطيييييييييييييييييييييييييييييييييييير صح لسانك


ونعم فيك يالملمعي
الذيب
15-05-2010, 03:24 AM
واخـــــــــــــــــــــــــــــــــــــــــــــــ ـــــــــيرا عرفتك
لك مني كل شكر على هذا الابداع

ان شاء الله تجي واعطيك وبوووووووسه على راسك
الملمعي
15-05-2010, 07:12 AM
هلابك يالذيب
وبوس براحتك ماعندك مشكله
≈ яσ7ỳ в-ℓ8άк ●●
15-05-2010, 07:33 AM
رائع هو بوح قلمك المميز

يعطيك العافيه اخوي

لا تحرمنا جديدك

تقبل طلتي
همس
15-05-2010, 07:56 AM
قصيدة في غاية الروعة والجمال,,
تحياتي
الملمعي
16-05-2010, 12:10 AM
على ذوقك ياحلو
Rose longing
18-05-2010, 07:08 PM
قصيده في غاية الروعه
صح لسانك
randas
20-05-2010, 09:10 AM
الحب ساكن وسط صدري؟
والعين في وجهي حرّاقه؟
وايدي على البعد تستثري
ويحيكه الحب باذواقـــــــــه
وان كان نايف معك يدري
عن كل حبك وأشواقه
فانا ترى حبي العذري
يزور كفي بـ مزلاقه
يعني مع الحب من صغري
ما أباعد الحب بعناقه
يعين ربي على قهري
وامسح دموعي بأعذاقه
وأشرب عسل من نهر يجري
من فم خلي الى ساقه
واحاول اختم على صدري
توقيع صدرة وخفّـــــاقه
وابوس عينه على هجري
واطوق الحب باعناقه
محمد ترى حبي العذري
بيموت وما أخذ فاآآقه
وانت ادرى وش لون انا صبري
لكني خلّصت أوراقــــــــه
عشق ومحبه وهوى صخري
وخدي من الدمع شقّاقه
تشكي وانا اشكي على قهري
متلحّف وعريان في باقه
سلام من قلب ما يسري
الا مع طيف عشّاقــــه
مشكووووور يابو إبراهيم على القصيده
واتمنى تقبلها من أخوك وانت ادرى بالفحوى
تقبل مروري ياغالي
الهيجومانه
24-05-2010, 01:16 PM
نايف ترى الناس ماتدري
وش يعني الحب واشواقه
نايف ترى ضيقت صدري
ناس على الشر سباقه
يانايف احب من صغري
والحب بكشف لك اوراقه

المعني انا فابشر بسعدك هااااااا