من طول الغيبات جاب الغنايم

[سليم القلب]

سلام يأهل البرك وتقول لمــثال

من طوّل الغيبات جاب الغــنايم

الهجر مابيني وما بيــنكم طـــال

مدري عـدالة حكــم ولا ظــلايم

حنا لفينا بس نــنـشد عن الحـال

شفت الصـــداقــه بين بايع وسايم

الكره ماهو زين والغـــدر قـتــّال

غطو على روس الشجاعه عمايم

أنا أدري أن ماعاد فيكم سعة بال

وأنا بعد لصــبر مـــالي عــــزايم

لــبواب قـبـلي قــفــلوها بـلقـــفال

واليوم جا تســـديـــد كـــل القسايم

والله ما وقف لكم مـــوقــــف الذال

وأثبت ثبات جـــبال حـــز التهـــايم

بعض البشر عندي مقدّر له اجلال

مـرضى ولا يرضى علينا الهزايم

خلو حبال الود ياصحابنا طـــــوال

وشلون يضحى النور والجــــو غايم

[الملمعي]

أهلا هلابك عدماهل همال
واعداد ماهبت هبوب النسايم
لمعة بوارقها من الجال للجال
تشوفها لو كنت عنها مشايم
البرك واهل البرك ياطيب الفال
عندها من فضل ربي نعايم
من فضل ربي ترى الخير مازال
ياكل ويشرب كل مفطر وصايم
والضيف له من دله الكيف فنجال
وبين أهل الدار يلقا حشايم
الضيف له في داخل القلب منزال
وحقه علينا كل ليله عزايم
افعالنا تسبق صدى القيل والقال
ماهي سوات مدورين الشكايم
وياطالب للحق ابشر وفي الحال
ماضاع حقك ترى الحق قايم
إن ماعطيتك حق ماني برجال
واللاحياتي من حياة البهايم
ابيك تعطيني ولو رقم جوال
ابعتذر منك لوكنت نايم
أهم شي رضاك في كل الاحوال
واهم من ذلك نفض الخصايم
وماعاد نبغى بيننا أي اشكال
مادام حنا أخوان يعني حمايم
وايضا على ماقيل في بعض الامثال
تسلم ولايسلم ردي العزايم

[سليم القلب]

والله والسبعة أنعام يالملمعي
أبقاك الله
وتسلم على الترحيب
وصح لسانك كفيت ووفيت

كفو والله
شاعر قاف ومعنى
ويسعدني تواجدك ويشرفني تواصلك
تقديري واحترامي

ولي طلب بسيط بما انك مشرف لبوح القصيد ينقصنا منسق قصايد في لوحة المشاركات
تحياتي

[الملمعي]

ماعليك زود ياالنشمي
واقل واجب أقدمه لك
واللاحقك مابعد جاك وانا أخوك
وأتشرف بمعرفتك وتواجدك في المنتدى بين أخوانك
وطلبك على العين والراس ترى ماطلبت شي
ولك مني كل الحب والإحترام

[سليم القلب]

يالملمعي من فوق ياجي مئة عام= وعدودكم ما خمّج الوقت ماها
دائم مشاربكم بها يكنع الضام= كم كبد ملهوف ٍ قطعتم ضماها
لكل العلوم الغانمه صرتم أعلام=وأذكاركم بطّيب نسمع نباها
من جدكم وأنتم هل الجود و اكرام=بنا سلوم أفعالكم واحتماها
شيخا ً وزى به كل خايف ومنضام=له جابة ٍ بالحق كل ٍ رضاها
عسى على قبره مراهيج وركام=نو المزون يهل بارد هماها
مرحوم يامن قد رعى حق لسلام=شيخاً مساعي الخير ساقه سعاها
ريف الضعيف وعون قصّار ليتام=يضوي طوى والنفس ينفق عشاها
هذاك جدك وأفتخر يبن لكرام= يانجل قوماً كثّر الله بقاها
على المراجل والظفر فعلكم دام=ماطاح ولا مال راسي بناها
حاضر وماضي مالكم ذنب وأثام=صحايف ٍ يفخر بها من قراها
هذي الحقيقه ما بنينا على أوهام=قوما نهار الضد تحما دماها
يالملمعي جنحك عل جونا حام= وأمداح مثلك رافعاً مستواها
الله يطول في سنينك وليام=نسل القروم الي طوال ٍ لحاها

[الملمعي]

صــــــــــح لســــانك
وبيض الله وجهك على هذه القصيده
بصـــــراحـــه إحتـــــرت معــــك واللــــه يقــــدرنـــي علـــى ردجمـــيلك

[السعدي]

سليم القلب حياك الله وصح لسانك على القصيد الرائع
ويسلم الملمعي على الرد المميز راعي الطيب والعلم الغانم
والشكر لكم جميعاً
تقبلو مروري وودي