جتني توادعني

[الملمعي]

جتني توادعني وقالت مقفين =وتقول أنا عزمت شدالرحالي
يابنت أنا ماصدق اللي تقولين =قالت أعرفك وانكرإنك تبالي
ياكيف مابالي بعشره لها سنين =وياكيف بنسى عمري اللي مضالي
معقول في حبي وصدقي تشكين =والله بعدك حار فكري وبالي
يلعبي الهاجوس مابين نارين =نارالفراق ونارعلم طرى لي
اخاف ياعمري غلاالحب تنسين =وتملكين القلب شخص بدالي
أخاف ياحبي لغيري تحبين =يوم قطعتي اليوم حبل الوصالي
قولي بصدق ان كان غيري تريدين =الحب مايحتاج ضحك وهزالي
قولي وكافي للحقيقه تخبين =الكذب لوطول قصير الحبالي
لاتقتلين اليوم حب بقلبين =لاتدعين الحب حبك خيالي
القلب واحدمايسع حب شخصين =هذي حقيقه وعندي امرمحالي
خلاص روحي كان ودك تروحين= بترك لغيري وسط قلبك مجالي
مابيك في حبي تبيعي وتشرين =ماني بكيفك دام حبك تسالي
في عصرينبض باالخيانه بتلقين =دبلوم فن الغدرتعليم عالي
روحي مع اللي صوب حبه تميلين =واقطع لساني لوينادي تعالي
بكتم ونيني وسط صدري بتأمين=واجبرخفوقي لويفوق إحتمالي
بنكرجروحي لويجي الجرح جرحين=واحاول امسح صورتك من خيالي
بعزنفسي لويصل ضغطي الفين=بخوض حرب مالها أول وتالي
حرب مع نفسي سببها اريش العين =بشن غاراتي وبعلن قتالي
بثبت وجودي صوب عينك تشوفين =وانسى غرامك حيل واشوف حالي
مافادني كثرالرجاوي وتكفين =ماغيرزادت في عنادك تعالي
ولابدفي يوم لغرامي تحنين =مهما تباعدنا وطال المطالي
وعلى الغرام وصافي الودتبكين =وتذرف عيونك عقب فرقا الهلالي

وسلامتكم

[randas]

ان اشهد انها خاسرة ياريش العين ***** دام انـــها مـتعــنّيــه بالجدالـــي

محقور من يترك خيالك بلا ديـــــن ***** لانك خيار النسل نسل الهلالـي

وصح اللسان اللي من علومه يبين*****ان الكرامــه فـــوق راس الجـبـالي

[تراتيل المطر]

صح لسانك
فعلا شااااااااعـــر ماشاء الله ..

[ابو ريناد]

ايش الردود الرائعة Randas
صح لسانك صحيح انك شاعر
بمعنى الكلمه
يعطيك العافيه

[randas]

صح بدنك يالغالي وهذا من ذوقك
واما عن ردي للملمعي فأنا ارد عليه لأن فرحه فرحي وهمه همي
وحنا تشرفنا بمرورك على صفحتنا وهذا العطر الذي سكبته عليها
تسلم يابو ريناد

[ابو ريناد]

سلمت يالغالي شاعر بمعنى الكلمة
الى الامام اخوي

[Rose longing]

ماشاءالله كلمات في قمة الروعه
استمر الله يوفقك
في انتظار ابداعك ياشاعرنا

[الملمعي]

الف شكر على مروركم الجميل

[موادع]

ماشاء الله عليك ياخي بصراحه شاعر بمعنى الكلمه اتمنى لك التوفيق
انا معجب بالقصيده والرد من randas

[ابو فيصل]

صح لسانك

والله يعطيك العافية

[الملمعي]

الموادع الف شكر على مرورك الرائع
أبوفيصل تحياتي لك والله يعطيك العافيه

[كولا]

يسلمو وصح لسانك مو جديد عليك دوم مبدع
>>>ياليت يعرف مثل الملمعي
>>>يقول عنه ماشالله

[الملمعي]

شكرا لك يامديرنا الغالي على هذا الكلام الحلو

[محمد الزيلعي]

الله يعطيك العافيه ياجوي مع العلم أن شهادتي وأشادتي فيك تبقى وتظل مجروحه لأنك أكبر واسمى من كلام يقال فأنت أشهر من علم على رأسه نا في ساحة الشعر مع الإحنرام لجميع الاخوه الشعراء ولـــــــكن هي الحقيفه اللتي لاتخفى عن الجميع &&&
وتقبل تحــــيــــــــــــــــــــــاتـــــــــــــــــــ ــــــي

[الملمعي]

الله يعافيك أخوي وشكرا لك على الكلام الجميل وشهادتك وسام على صدري

[الوعد]

تسلم على القصيده الرائعه ولو اني ماني من المهتمين بالشعر بس بصراحه توقفت عندها
واشكر رانداس على الرد الجميل
تسلموو جميعا

[الملمعي]

الله يسلمك أخوي
يكفيني مرورك الرائع والجميل على متصفحي

[محمد الزيلعي]

صـــــــح لـــســـــــــانك>>>>>>>>>(ذكرتني أيام زمان يابو نواف )
أيام (أووووووووووووف)تذكرها يابو نواف ؟
الله يسعدك ويوفقك وإلى الأمام دائما ولاتحرمنا من جديدك..........&
((:wave:تقبل تــــــحـــــيــــــــــــــاتــــــــي))

[محمد الزيلعي]

صـــــــح لســـــــانك ياخوي والله يعطيك العافيه &
((دوما كما عهدناك يامحمد ياإبن إبراهيم متألق
قي سماء الشعر والإبداع كالصقر محلق))