مـــــــــــــريضـــــــــــــــــــــــه

[الشاعر احمد الهلالي]

جاني خبر انك مريضه مت من خوفي عليك
فيا جعلني فدوه لهذا الوجه من جور الزمان

ليت المرض فيني ويتعذر عليه انه يجيك
واصير لك ملجاء بعد ربك وبرك للامااان

في كل دقة قلبك تلقاني امتشوق لك وابيك
حبك بضخ الدم بعروقي بسيل من الحنان

فلاعاش منهو فكر بيوم على الذل يحديك
وانتي من اهل الخير منزلهم بريضان الجنان

فياواحدن في دنيتي مالك خشير ولا شريك
تفداك روحي من حكي الالسن ومن زرق السنان

ربعت في قلبي ونصبتك على عمري مليك
وتعذر بمدحك فصيح في البلاغه والبيان

ماني احبك لا وربي الا انا مجنون فيك
لوغبت عني انكشف والشوق بعيوني يبان

والخوف عذبني تعدى خوف حتى والديك
وانا شجاع صرت من خوفي عليك اكبر جبان

لانك فرح عمري وراحتي تحت رحمة يديك
واثق ومتاكد بانك لي ماترضين الهوااان

فربي يحفظك ياضنى روحي وبسم الله عليك
اقولها من قلب صادق لا ماهي كلمة لسااان


احمـــــــــــــد الهلالي

[ولد ذهبان]

فربي يحفظك ياضنى روحي وبسم الله عليك

بسم الله علاك اخوي الشاعر احمد الهلالي
نسجت فأبدعت
مشكور على الرائعه الموضحه أعلاه<<<<<<< حلوه الموضحه أعلاه هذي

تقبل مروري مشكوراً

[الملمعي]

صح الله لسانك وتسلم يديك أوتسلم إيدينك قبل نطق اللسان

[الرايق]

قصيدة جميلة الله يبارك فيك ,,,احترامي

[الحائر]

والخوف عذبني تعدى خوف حتى والديك
وانا شجاع صرت من خوفي عليك اكبر جبان

صح لسانك وبوحك تسلم على الطرح قصيدة جميلة يالهلالي لا تحرمنا ابداعك لا هنت.